Галоўны трэнер «Лівэрпуля» Рафаэль Бэнітеc выказаў надзею, што ў матчы ў адказ c «Бэнфікай» гішпанскі нападаючы Фэрнанда Торэс згуляе як форвард «Барсэлёны» Ліянэль Мэсі ў сустрэчы з «Арсэналам».

У аўторак Месі ў адзіночку паклаў на лапаткі «Арсэнал». Бенитес спадзяецца, што Торэс апынецца не менш карысным ў сустрэчы з «Бэнфікай». «Месі – фантастычны гулец. Спадзяюся, Фернанда здольны на тое ж”, – не шкадаваў добрых словаў гішнец.

Паядынак з партугальцамі можа стаць для «Ліверпуля» ключавым у гэтым сэзоне. Каманда вельмі невыразна выступае ў прэм’ер-лізе, а да сустрэчы на «Энфілдзе» падыходзіць без шэрагу траўміраваных абаронцаў: Марціна Шкртэла, Фабіа Аурэліё і Марціна Кэлі. У дадатак з-за дыскваліфікацыі матч прапусьцяць Раян Бабэль і Эміліян Інсуа.

«Я разглядаю гэты турнір як магчымасць заваяваць трафей, які важны для нас усіх – гульцоў і заўзятараў», – распавёў настаўнік чырвоных.

У мінулых эўракубкавых дуэлях з «Бенфікай» у 1/8 фіналу Лігі Чэмпіёнаў УЭФА-2005/06 мэрсысайдцы саступілі абодва матчы – 0:1 у гасьцях і 0:2 дома. Бэнитэс паабяцаў узяць рэванш, адзначыўшы: «На гэты раз мы забілі гол на выездзе. Акрамя таго, цяперашняя каманда мацней ранейшай, таму, спадзяюся, усё складзецца інакш».

Лісабонцы таксама панеслі страты ў асобе форвардаў Хаўера Савіола і Вэлдана, аднак добрай навіной для «арлоў” стала вяртаньне ў строй левага абаронцы Сэзара Пэйшоту. Настаўнік «Бэнфікі» Жорж Жэзуш заявіў: «У нас і у “Лівэрпуля” моцныя каманды, таму ўсіх чакае захапляльны паядынак. Пры гэтым, мы не прывыклі да матчаў, калі на нас актыўна нападаюць. Падобнае рэдка здараецца ў чэмпіянаце Партугаліі. Трэба будзе праявіць ўстойлівасць і пастарацца не аддаць ініцыятыву ў рукі супэрніка».

Паводле UEFA.com

Гішпанскі нападаючы «Лівэрпуля» Фэрнанда Торэс паклаў канец чуткам пра сваю будучыню, заявіўшы, што наступны сэзон правядзе ў «Лівэрпулі», а таксама выказаў меркаваньне пра тое, якое ўзмацненьне неабходна камандзе, каб вярнуцца на першыя пазіцыі ў англійскім чэмпіянаце, і аб наступным супэрніку «чырвоных» у Лізе Эўропы.

«Маё месца ў «Лівэрпулі» і ў Англіі. Нам неабходна чатыры-пяць гульцоў топ-кляса, якія былі б больш за ўсіх, хто зараз ёсць у камандзе, уключаючы мяне, і чыё зьяўленне прымусіла бы ўсіх астатніх працаваць з падвоенай энергіяй. У наступным сэзоне мы павінны пазмагацца за тытул чэмпіёнаў Англіі і перамогу ў Лізе Чэмпіёнаў або Лізе Эўропы. Лічу, што ў маючых адбыцца матчах 1/4 фіналу Лігі Эўропы з «Бэнфікай» нам прыйдзецца вельмі няпроста. Гэта каманда з багатымі традыцыямі і моцнымі гульцамі. Барацьба будзе ўпартай», – цытуе Торэса АР.

Паводле sports.ru

Галоўны трэнер «Лівэрпуля» Рафаэль Бэнітэс пракамэнтаваў вынікі жараб’ёўкі 1/4 фіналу Лігі Эўропы, дзе яго камандзе трэба сустрэцца з партугальскай «Бэнфікай».

«Мы ўяўляем сабе моц «Бэнфікі», бо нам у мінулым даводзілася разам гуляць у Лізе Чэмпіёнаў. У іх моцная каманда, балельшчыкі іх заўсёды падтрымліваюць. Гэтыя гульні будуць вельмі складанымі для нас.

Яны зараз знаходзяцца на першым месцы ў сваім чэмпіянаце, у складзе партугальцаў ёсць цудоўныя футбалісты – Аймара, Савіёла, Гарсія», – цытуе галоўнага трэнера «Лівэрпуля» афіцыйны сайт клуба.

Паводле sports.ru

Фулхэм – Вольсбург
Гамбург – Стандард
Валеньсія – Атлетыка
Лівэрпуль – Бэнфіка

Пераможца пары Фулхэм/Вольсбург у 1/2 фіналу выйдзе на пераможцу пары Гамбург/Стандард, адпаведна, пераможца пары Валеньсія/Атлетыка – з пераможцам у пары Лівэрпуль/Бэнфіка.

Абаронца марсэльскага «Алімпіка» Габрыэль Хайнцэ пашкодзіў правую нагу ў матчы за зборную Аргенціны, у выніку чаго прапусціць абодва матчы 1/8 фіналу Лігі Эўропы УЭФА з «Бэнфікай».

Левы абаронца быў замены ўжо на другой хвіліне другога тайма матчу з немцамі (1:0) пасля сутыкненяня з Лукасам Падольскі. Рэнтген паказаў, што ў футбаліста пашкоджаная малобярцовая костка правай нагі. Гэта азначае, што 31-гадовы гулец выбыў са строю на тры тыдні. Першы матч 1/8 фіналу Лігі Эўропы «Алімпік» правядзе 11 сакавіка ў Лісабоне, а паядынак у адказ адбудзецца ў Францыі праз тыдзень.

Фота Bongarts
Паводле uefa.com

«Спортынг» яшчэ ніколі не саступаў ангельскім клюбам па суме двух матчаў. Нягледзячы на гасьцявое паражэньне ад «Эвэртана» партугальцы захавалі шанцы прадоўжыць гэтую сэрыю, так як у канцы матча Мігель Вялоза з пэнальці скараціў розніцу ў рахунку да мінімуму.

Здавалася, гаспадары стварылі салідны зачын, дзякуючы галам Стывена Піенаара і Сільва Дзістэна. Але промах апошняга дазволіў «Спортынгу» за чатыры хвіліны да канца скараціць адставаньне. Страціўшы мяч у барацьбе з Ліедсанам, Дзістэн зваліў нападніка ў штрафной, зарабіўшы сабе чырвоную картку, а супэрніку даў магчымасьць выканаць пэнальці.

На групавым этапе «Спортынг» па суме дзьвюх сустрэч саступіў партугальскай «Бэнфіке» з вынікам 0:7, аднак зараз стаў куды больш салідным супэрнікам. Ужо на 12-й хвіліне Луі Саа ўцёк адзін на адзін з брамнікам пасля перапасоўкі з Цімам Кэхілам. Аднак Руй Патрысіу справіўся з яго ударам, а затым у эфектным падзеньні не даў Леёну Асману вызначыцца на дабіцьці.

Калі мінулі паўгадзіны гульні, хаўбэк ангельцаў Лэндан Донаван, згуляўшы на мяжы офсайда, апынуўся на ўдарнай пазіцыі, аднак не трапіў у вароты. Затое наступная атака «Эвертона» прынесла вынік. Філ Нэвіл аддаў пранікальным пас Кэхілу, а аўстраліец уварваўся ў штрафную і пяткай адкаціў мяч Піенаары. Нягледзячы на тое, што гульцу зборнай ПАР перашкаджаў абаронца, ён адправіў снарад пад самую перакладзіну – 1:0.

У Партугаліі справы у «Спортынга» ў апошні час ідуць нявельмі – у пяці матчах «ільвы» пацярпелі чатыры паразы. Аднак на «Гудысан Парк» бела-зялёныя да перапынку стварылі некалькі вельмі небяспечных момантаў. Двойчы брамніку Ціму Ховарду даводзілася адбіваць ўдары Пэдру Мэндэша, а затым расійскі паўабаронца Марат Ізмайлаў трапіў у штангу.

Ледзь пачаўся другі тайм, як «ірыскі» падвоілі перавагу. Калі Лэйтан Бэйнс падаў кутні, Руй Патрысіу ў барацьбе з Кэхіламм не ўтрымаў мяч, і той закаціў за «стужачку» рыкашэтам ад калена Дзістэна. «Спортынг» падвоіў намаганьні ў надзеі захаваць інтрыгу ў пары, і толькі бліскучая гульня Асмана ў абароне не дазволіла Ліедсану ўцячы на спатканьне з галкіперам. Неўзабаве сустрэча сконьчылася лікам 2:1.

Паводле uefa.com

«Спортынг», як і ўсе паўднёвыя каманды, з мячом на «ты». Лісабонскіх «ільвоў» вельмі цяжка накрыць прэсынгам, таму што ў абароне ў іх заўсёды ёсць хаця бы адзін адкрыты чалавек, з якім можна абгуляцца. У гэтым я лішні раз пераканаўся, паглядзеўшы нядаўна першы тайм матчу партугальскага чэмпіянату паміж «Спортынгам» і «Навалам». Дарэчы, Ізмайлаў у ім таксама ўдзельнічаў. Не схаваю, будзе цікава ўпершыню сустрэцца з Маратам па розныя бакі барыкадаў.

Па манэры «Спортынг» і «Бэнфіка» падобныя, але гэта не значыць, што ў нас няма шанцаў. Наконт «Бэнфікі» я так скажу: мы проста не разабраліся, з кім маем справу. Калі бы ў абедзвюх сустрэчах згулялі выключнаад абароны – былі бы зусім іншыя вынікі», – цытуе гульца Bobsoccer.ru.