Галоўны трэнер «Лівэрпуля» Рафаэль Бэнітеc выказаў надзею, што ў матчы ў адказ c «Бэнфікай» гішпанскі нападаючы Фэрнанда Торэс згуляе як форвард «Барсэлёны» Ліянэль Мэсі ў сустрэчы з «Арсэналам».

У аўторак Месі ў адзіночку паклаў на лапаткі «Арсэнал». Бенитес спадзяецца, што Торэс апынецца не менш карысным ў сустрэчы з «Бэнфікай». «Месі – фантастычны гулец. Спадзяюся, Фернанда здольны на тое ж”, – не шкадаваў добрых словаў гішнец.

Паядынак з партугальцамі можа стаць для «Ліверпуля» ключавым у гэтым сэзоне. Каманда вельмі невыразна выступае ў прэм’ер-лізе, а да сустрэчы на «Энфілдзе» падыходзіць без шэрагу траўміраваных абаронцаў: Марціна Шкртэла, Фабіа Аурэліё і Марціна Кэлі. У дадатак з-за дыскваліфікацыі матч прапусьцяць Раян Бабэль і Эміліян Інсуа.

«Я разглядаю гэты турнір як магчымасць заваяваць трафей, які важны для нас усіх – гульцоў і заўзятараў», – распавёў настаўнік чырвоных.

У мінулых эўракубкавых дуэлях з «Бенфікай» у 1/8 фіналу Лігі Чэмпіёнаў УЭФА-2005/06 мэрсысайдцы саступілі абодва матчы – 0:1 у гасьцях і 0:2 дома. Бэнитэс паабяцаў узяць рэванш, адзначыўшы: «На гэты раз мы забілі гол на выездзе. Акрамя таго, цяперашняя каманда мацней ранейшай, таму, спадзяюся, усё складзецца інакш».

Лісабонцы таксама панеслі страты ў асобе форвардаў Хаўера Савіола і Вэлдана, аднак добрай навіной для «арлоў” стала вяртаньне ў строй левага абаронцы Сэзара Пэйшоту. Настаўнік «Бэнфікі» Жорж Жэзуш заявіў: «У нас і у “Лівэрпуля” моцныя каманды, таму ўсіх чакае захапляльны паядынак. Пры гэтым, мы не прывыклі да матчаў, калі на нас актыўна нападаюць. Падобнае рэдка здараецца ў чэмпіянаце Партугаліі. Трэба будзе праявіць ўстойлівасць і пастарацца не аддаць ініцыятыву ў рукі супэрніка».

Паводле UEFA.com

Гішпанскі нападаючы «Лівэрпуля» Фэрнанда Торэс паклаў канец чуткам пра сваю будучыню, заявіўшы, што наступны сэзон правядзе ў «Лівэрпулі», а таксама выказаў меркаваньне пра тое, якое ўзмацненьне неабходна камандзе, каб вярнуцца на першыя пазіцыі ў англійскім чэмпіянаце, і аб наступным супэрніку «чырвоных» у Лізе Эўропы.

«Маё месца ў «Лівэрпулі» і ў Англіі. Нам неабходна чатыры-пяць гульцоў топ-кляса, якія былі б больш за ўсіх, хто зараз ёсць у камандзе, уключаючы мяне, і чыё зьяўленне прымусіла бы ўсіх астатніх працаваць з падвоенай энергіяй. У наступным сэзоне мы павінны пазмагацца за тытул чэмпіёнаў Англіі і перамогу ў Лізе Чэмпіёнаў або Лізе Эўропы. Лічу, што ў маючых адбыцца матчах 1/4 фіналу Лігі Эўропы з «Бэнфікай» нам прыйдзецца вельмі няпроста. Гэта каманда з багатымі традыцыямі і моцнымі гульцамі. Барацьба будзе ўпартай», – цытуе Торэса АР.

Паводле sports.ru

Нападаючы «Лівэрпуля» Фэрнанда Торэс прапусьціць матчы 1/16 фіналу Лігі Эўропы УЭФА з «Унірыяй”. Гішпанец апынуўся па-за гульнёй прыблізна на паўтары месяцы, прычым разам з ім у лазарэт патрапілі Стывен Джэрард і Ёсі Бэнаюн, якія выбылі з ладу на два тыдні і месяц адпаведна.

Гульцы экс-удзельніка Лігі Чэмпіёнаў УЭФА атрымалі траўмы ў перагулёўцы матча Кубка Англіі з «Рэдынгам», у якім мерсысайдцы саступілі супэрніку ў дадатковы час з лікам 1:2. Торэс, які зьяўляецца лепшым снайперам клюба ў прэм’ер-лізе (12 галоў), пашкодзіў храсток ў правым калене. Зараз чэмпіёна Эўропы-2008 у складзе зборнай Гішпаніі чакае аперацыя. Такім чынам, экс-форвард «Атлетыкі» не згуляе з «Унірыяй» 18 і 25 лютага.

Джэрард пацягнуў заднюю паверхню сьцягна і будзе лячыцца каля двух тыдняў, тады як Бэнаюн зламаў рабро і правядзе ў лазарэце «ад трох да чатырох тыдняў». Настаўнік мерсысайдцаў Рафаэль Бэнітэс да канца студзеня не зможа таксама разлічваць на правага абаронцу Глена Джонсана, які надарваў медыяльныя зьвязкі правага калена.

Пакуль што «Лівэрпуль» ідзе на сёмым месцы ў бягучым чэмпіянаце Англіі.

Фота topnews.in
Паводле uefa.com