Фулхэм – Вольсбург
Гамбург – Стандард
Валеньсія – Атлетыка
Лівэрпуль – Бэнфіка

Пераможца пары Фулхэм/Вольсбург у 1/2 фіналу выйдзе на пераможцу пары Гамбург/Стандард, адпаведна, пераможца пары Валеньсія/Атлетыка – з пераможцам у пары Лівэрпуль/Бэнфіка.

Нападаючы «Ювэнтуса» Алесандра Дэль П’ера сказаў, што разгромнае паражэньне ад «Фулхэма» ў адказным матчы 1/8 фіналу Лігі Эўропы (1:4) – адзін з горшых момантаў у яго кар’еры.

- Гэта сапраўдная катастрофа, – прыводзіць словы Дэль П’ера Football Italia. – Адзін з самых жудасных момантаў у маёй кар’еры. Віна ляжыць на усіх гульцах, якім не трэба зараз шукаць казла адпушчэньня. Складана будзе прыйсьці ў сябе пасля такога, але трэба пастарацца.

Жараб’ёўка 1/4 фіналу Лігі Эўропы пройдзе ў сёньня, 19-га сакавіка.

Паводле news.sportbox.ru

Турынскі «Ювэнтус» згуляе матч у адказ 1/8 фіналу Лігі Эўропы з «Фулхэмам» без васьмі гульцоў асноўнага складу, у тым ліку галкіпэраў Джанлуіджы Буфона і Алекса Манінгер, якія зараз траўмаваныя.

Не паляцяць у Англію і футбалісты Джорджа К’еліні, Марцін Касэрэс, Амаўры, Сэбасцьян Джавінка і Мікель Паалучы, і абаронца Нікола Леграталье, які прапускае гэтую гульню з-за дыскваліфікацыі.

Аднак гульцы «Ювэнтуса» настроены аптымістычна.

- У матчы з «Фулхэмам» нам проста неабходна рэабілітавацца перад заўзятарамі за гульню ў чэмпіянаце Італіі супраць «Сіены», – прыводзіць словы абаронцы Ніколы Легроталье Football Italia. – Веру, што менавіта «Ювэнтус» апынецца самай пасьпяховай італьянскай камандай у эўракубках ў гэтым сэзоне.

Нагадаем, што першая сустрэча 1/8 фіналу Лігі Эўропы паміж «Ювэнтусам» і «Фулхэмам» скончылася перамогай італьянцаў (3:1). Матч у адказ пройдзе 18 сакавіка ў Лёндане.

Паводле news.sportbox.ru

Варатар «Ювэнтус» Алекс Манінгер далучыўся да Джанлуіджы Буфона ў лазарэце, у выніку чаго паядынак у адказ з «Фулхэмам» турынцы будуць вымушаныя правесьці з намінальным трэцім галкіпэрам.

На мінулым тыдні турынцы з Манінгерам ў варотах адолелі лёндаўцаў з лікам 3:1. Напярэдадні нядзельнага паядынку з «Сіенай» (3:3) аўстрыйскі галкіпер пашкодзіў правае бядро і правядзе на бальнічным ад 15 да 20 дзён. Буфон выбыў з ладу ў канцы лютага з расцяжэньня сцягна. Яго аднаўленьне зойме каля месяца.

Паводле uefa.com

Варатар «Ювэнтуса» Алекс Манінгер прызнаўся, што Ліга Эўропы УЭФА «пачынае станавіцца вельмі цікавай», а турынцы набраліся неабходнай упэўненасьці і гатовыя прайсьці ўвесь шлях да канца.

Захаваўшы ў адказным паядынку з «Аяксам» свае вароты ў недатыкальнасьці, Алекс Манінгер гарантаваў «Ювэнтусу» пуцёўку
ў 1/8 фіналу Лігі Эўропы УЭФА. Пасля матча аўстрыйскі галкіпер прызнаўся, што ў лагеры турынскага клюба ўсё часюцей задумваюцца пра тое, каб заваяваць прэстыжны трафей.

Тыдзень таму бела-чорныя з лікам 2:1 адолелі «Аякс» у Амстэрдаме, што, без сумненняў, адбілася на іх тактыцы ў адказнай сустрэчы. Турынцы маглі сабе дазволіць мінімальнае паражэньне альбо любую нічыю і паспрабавалі згуляць ад печкі. Для гэтага Альбэрта Дзакероні ўзяў на ўзбраеньне выключна абарончую схему «елачка» і не прагадаў.

«Спачатку было няпроста, – прызнаўся Манінгер у інтэрв’ю UEFA.com. – Мы разумелі, што трэба паказаць максімум сваіх магчымасьцяў, таму што нам супрацьстаяла моцная каманда, якая набрала выдатную форму ва ўнутраным чэмпіянаце. Мы выдатна іх накрывалі і ўпершыню за доўгі час здолелі захаваць свае вароты на замку». Доўгі час – гэта 15 матчаў у серыі А і эўракубках запар, а тое, што Манінгер даведаўся аб сваім удзеле ў паядынку з «Аяксам» толькі напярэдадні (калі стала вядома пра траўмы Джанлуіджы Буфона) робіць гэты вынік яшчэ больш значным.

«Праблема ў тым, што аб сваім удзеле я даведаўся толькі за дзень да матчу, – распавёў 32-гадовы галкіпер. – А перад такімі важнымі сустрэчамі аб гэтым хочацца ведаць як мінімум за пару дзён. Але зьяўляючыся дублёрам аднаго з найлепшы галкіпераў плянеты, ты павінен быць да гэтага гатовы».

У дэбюце сустрэчы ў дзеяньнях Манінгера адчувалася некаторая нярвовасьць. Спачатку аўстрыйца ледзь не застаў знянацку Тобі Алдэрвэйрэлд, а затым варатар пасля розыгрышу кутняга вынес мяч прама на Яна Вэртонгэна. Аднак пасля гэтага экс-кіпер «Арсэнала» ні разу не даў ўсумніцца ў сваім майстэрстве.

«Мне спатрэбілася каля 10 хвілін, каб зразумець, як паводзіць сябе мяч, паколькі ў Лізе Эўропы мячы пастаянна мяняюцца. А потым усё пайшло добра. Мы выдатна іх накрывалі, кантралявалі ход сустрэчы і практычна не рызыкавалі. Мы ведалі, што супэрнік будзе змагацца ўсё 90 хвілін, але захавалі арганізаванасьць і не дазволілі ўзяць нашы вароты».

«У распранальні мы прыйшлі да высновы, што Ліга Эўропы становіцца ўсё цікавей. Мы паглядзелі на каманды, якія прабіліся далей. Наступны у нас «Фулхэм», і лёгка з ангельцамі не будзе, аднак у іншых парах барацьба будзе не менш напружанай. Многім добрым камандам выпала гуляць адзін супраць аднаго, што робіць турнір вельмі цікавым».

Паводле uefa.com

Нападаючы «Ювэнтуса» Амаўры, які аформіў дубль ў супрацьстаяньні з «Аяксам», атрымаў траўму сьцягна, з-за чаго прапусціць абодва матчы 1/8 фіналу Лігі Эўропы УЭФА з «Фулхэмам».

Форвард «Ювэнтуса» Амаўры, два галы якога дазволілі італьянцам адолець ў двухраундававым супрацьстаяньні «Аякс» (2:1), пашкодзіў левае бядро ў адказам паядынку і зараз не згуляе з «Фулхэмам».

Нападаючы быў заменены ўжо на 15-й хвіліне адказнай сустрэчы ў Турыне. Тым не менш, гэта не перашкодзіла гаспадарам адсвяткаваць перамогу з агульным лікам 2:1. На наступным этапе італьянскі клюб 11 і 18 сакавіка памераецца сіламі з «Фулхэмам».

Пятніцкае абследаваньне выявіла ў нападаючага пашкоджаньне мышцы сьцягна. Амаўры выбыў з шэрагаў на 25 дзён. Таксама ў лазарэце з траўмай сьцягна знаходзіцца брамнік Джанлуіджы Буфон. Галкіпер зборнай Італіі атрымаў пашкоджаньне на трэніроўцы ў сераду і выбыў на месяц. Замест яго ў браме будзе гуляць Алекс Манінгэр.

Паводле uefa.com

Французскі нападаючы Луі Саа падоўжыў адносіны з «Эвэртонам», падпісаўшы новае працоўнае пагадненьне, тэрмін дзеяньня якога разлічаны да лета 2012 года.

Папярэдні кантракт экс-футбаліста «Манчэстэр Юнайтэд» скончваўся ўжо летам, і ён з радасьцю пагадзіўся зьвязаць сябе з мерсысайдцамі яшчэ на два гады. «Гэта рашэньне далося проста. Я атрымліваю тут задавальненьне ад гульні і хачу ў будучыні быць часткай «Эвэртона», – растлумачыў 31-гадовы форвард, перабраўшыся ў табар «ірысак» у жніўні 2008-га.

Раней Саа таксама выступаў у Англіі за «Фулхэм» і «Ньюкасл». У 45-і матчах прэм’ер-лігі ў складзе «Эвэртона» нападаючы забіў 17 мячоў. У мінулым сэзоне футбаліст ўпісаў сваё імя ў гісторыю Кубка Англіі, забіўшы самы хуткі гол у фінале. Ужо на 25-й сэкундзе ён узяў вароты «Чэлсі», які, зрэшты, вырваў перамогу з лікам 2:1.

Фота Getty Images
Паводле uefa.com

Галоўны трэнер «Шахцёра» Мірча Лучэску падзяліўся ўражаньнямі ад гульні «Фулхэма». Ён адзначыў добрую арганізацыю абароны гэтай каманды, паведамляе афіцыйны сайт данецкага клюба.

«Футбалісты яшчэ не аналізавалі гульню «Фулхэма», а я ўжо, вядома, пачаў глядзець. У прынцыпе, у нас дастаткова матэрыялу для вывучэньня гэтай каманды. Калі ў мяне будзе час, я, вядома, ужывую пагляджу матчы «Фулхэма». Але гэта не так важна, таму што мы і так маем дастаткова інфармацыі. Пасля збору ў Марбелье мы адразу адправімся ў Лёндан. Там, магчыма, мы ўсе разам ўбачым адну з гульняў «Фулхэма».

Калі мы ўдзельнічалі ў турніры ў Ла Манзе, там былі скандынаўскія каманды. Скандынаўскі футбол падобны да ангельскага атлетызмам і магутнасьцю. Думаю, гульні ў Марбелье могуць нам дапамагчы падрыхтавацца да сустрэчы з «Фулхэмам». Я добра ведаю Ходжсана і лічу яго вельмі добрым трэнерам. Не дарма «Фулхэм» – адна з камандаў, якія шмат не прапускаюць. Гэта гаворыць аб вельмі добрай арганізацыі абароны. Мы ведаем, што ў гульнях з ангельскімі камандамі галоўнае – максімальны кантроль мяча. Так мы і павінны дзейнічаць.

Зараз мы ўважліва сочым за станам поля на «Данбас Арэне». Учора мы былі там – яно стала лепш. Бачна, што праводзіцца шмат працы. Штучная сістэма насычае траўнік сонечнымі промнямі і аднаўляе яго. Зараз поле выглядае нядрэнна. Гэта важны момант, да хатняй гульні з «Фулхэмам» мы павінны вырашыць пытаньне аб якасьці поля».