Паўабаронца «Гамбурга» Марсэль Янсэн, які набраў выдатную форму, атрымаў траўму галенастопа, з-за якой прапусьціць чвэрцьфінальны паядынак Лігі Эўропы УЭФА са «Стандардам».

Паўабаронца атрымаў пашкоджаньне на трэніроўцы ў чацьвер. «Атрыманы дыягназ стаў для мяне сур’ёзным ударам, – прызнаўся 24-гадовы немец. – Мы яшчэ вызначым тып лячэньня і тэрміны аднаўленьня, але да тых часоў я буду насіць гіпсавую павязку, каб абмежаваць распаўсюд пухліны. Я не магу даваць нагрузку на левую нагу. Тэрміны, вядома, вельмі няўдала, бо нас чакаюць важныя матчы, і нельга забываць аб маючым адбыцца Чэмпіянаце Сьвету».

Большую частку першай паловы сэзона Янсэн таксама правёў у лазарэце, але, вярнуўшыся ў строй у пачатку лістапада, забіў шэсьць галоў і аддаў чатыры дзейсныя перадачы. Ён таксама правёў тры мячы ў матчах Лігі Эўропы, адзначыўшыся ў кожнай з сустрэч плэй-оф з ПСВ і ў паядынку з «Андэрлехтам». Чакаецца, што Янсэн прапусьціць некалькі тыдняў.

Паводле UEFA.com

Рэзэрвовы галкіп’р «Гамбурга» Вольфганг Хэсль падоўжыў дзеючае пагадненьне з клюбам на два сэзоны, нягледзячы на тое, што яго канкурэнт Франк Рост не прапусьціў ніваднаго матчу бундэслігі з 2007 года.

Вольфганг Хэсль ўзгадніў з «Гамбургам» умовы новага пагадненьня, разлічанага да лета 2012 года. Такім чынам, дзеючы дагавор футбаліста падоўжаны на два гады.

Другі варатар «Гамбурга» перабраўся ў стан аднаго з самых тытулаваных клюбаў Германіі з сьціплага «Амбэрга» ў студзені 2004 года. Хэсль стаў дублёрам 36-гадовага Франка Роста, які з моманту пераходу з «Шальке-04» у студзені 2007 года, згуляў 112 матчаў у бундэсліге, не прапусьціўшы ніводнага.

Хэсль прыняў удзел у чатырох паядынках Лігі Эўропы УЭФА, дзе «Гамбург» працягвае барацьбу на стадыі чвэрцьфіналу. Трэнэрскі штаб высока цэніць перспектыўнага галкіпера: «Вольфганг выдатна дадае ў майстэрстве, і лягічным следствам гэтага стала падаўжэньне кантракту», – сказаў настаўнік «дыназаўраў» Бруна Лабадзія. Хэсль дадаў: «Я рады застацца ў клюбе».

Паводле UEFA.com

Фулхэм – Вольсбург
Гамбург – Стандард
Валеньсія – Атлетыка
Лівэрпуль – Бэнфіка

Пераможца пары Фулхэм/Вольсбург у 1/2 фіналу выйдзе на пераможцу пары Гамбург/Стандард, адпаведна, пераможца пары Валеньсія/Атлетыка – з пераможцам у пары Лівэрпуль/Бэнфіка.

На гэтым тыдні адбыліся першыя матчы 1/8 фіналу Лігі Эўропы УЭФА. У чатырох паядынках з васьмі пераможца не быў выяўлены, прычым адзін з іх адбыўся ў Казані, дзе «Рубін» дазволіў адыграцца «Вольфсбургу».

Матчы 1/8 фіналу Лігі Эўропы УЭФА працягнуцца ў наступны чацьвер, тады як «Гамбург» ужо ў першай сустрэчы праявіў на справе жаданьне дайсьці да фіналу, які будзе згуляны на яго родным стадыёне. Астатнія каманды таксама імкнуцца ў наступны раўнд, жараб’ёўка якога адбудзецца ў пятніцу 19 сакавіка. Адзначым, што ў чвэрцьфінале не выключаныя сустрэчы прадстаўнікоў адной краіны.

У першым паядынку «Гамбург» у сябе дома адолеў «Андэрлехт» – 3:1, яшчэ раз праявіўшы самыя сур’ёзныя амбіцыі. Бліжэй за ўсё да перамогі ў эўракубку нямецкі клюб быў у сэзоне 1981/82, калі стаў удзельнікам фіналу Кубка УЭФА. Тым часам «Лівэрпуль» і «Ювэнтус», якія таксама рыхтуюцца да адказных сустрэч, раней па тры разы перамагалі ў гэтым турніры. Аналягічным дасягненьнем можа пахваліцца яшчэ хіба толькі «Інтэрнацыянале», але мілянцы працягваюць барацьбу ў Лізе Чэмпіёнаў УЭФА.

«Ювэнтус», які перамагаў у Кубку УЭФА ў сэзонах 1976/77, 1989/90 і 1992/93, у першым матчы расправіўся ў Турыне над «Фулхэмам» – 3:1. Аднак у адказнай сустрэчы яму, напэўна, давядзецца няпроста: «Фулхэм» у Лізе Эўропы не прайграў ніваднаго хатняга матча.

«Лівэрпуль» дабіраўся да вяршыні ў 1973, 1976 і 2001 гадах. У сустрэчы ў адказ 1/8 фіналу бягучага розыгрышу мэрсысайдцам трэба вырашаць яшчэ больш складаную задачу. Атрымаўшы мінімальную паразу ад «Ліля», дружына Рафаэля Бэнітэса ў чацьвер будзе мець перавагу роднага поля, тады як на баку каманды Рудзі Гарсіі будзе гол, забіты на сваім полі, і стабільнасьць, якую французы дэманструюць у гэтым сэзоне. Барацьба працягваецца ва ўсіх парах. Цяжэй за ўсё будзе «Панацінаікасу», які ў сябе дома з лікам 1:3 прайграў «Стандарду».

Астатнія першыя сустрэчы 1/8 фіналу пераможцаў не выявілі. Застаўшыся ўдзевяцірох, «Спортынг» на выездзе ўтрымаў нулявую нічыю ў матчы з «Атлетыкай». У Лісабоне спадзяюцца, што страта дыскваліфікаваных гульцоў не ўдарыць па іх занадта балюча ў матчы ў адказ. Другая каманда з сталіцы Партугаліі – «Бэнфіка» – задаволілася нічыёй з «Алімпікам». Сустрэчы чэмпіёнаў Германіі і Расіі «Вольфсбурга» і «Рубіна» адпаведна, а таксама «Валэнсіі» і фіналіста апошняга розыгрышу Кубка УЭФА «Вэрдэра» завяршыліся з аналягічным лікам – 1:1.

Паводле uefa.com

Учора на UEFA.com пачалаўся міжнародны продаж квіткоў для шырокай публікі на фінал Лігі Эўропы УЭФА-2010. Яна прадоўжыцца да 19 сакавіка.

З асяродзьдзя квіткі на фінал Лігі Эўропы, які пройдзе на «Гамбург Арэна», змогуць набыць людзі з-за межаў Германіі. Прадавацца квіткі будуць выключна на UEFA.com. Продаж на нямецкім рынку, які ў эксклюзіўным парадку вёў Футбольны саюз Германіі праз свой сайт dfb.de, завяршыўся 15 студзеня.

Адзін чалавек можа прэтэндаваць на два квіткі на вырашальны паядынак першага розыгрышу Лігі Эўропы. Матч пачнецца 12 траўня ў 20:45 па сярэднеэўрапэйскаму часу. Продаж квіткоў пачалаўся 24 лютага апоўдні і закрываецца 19 сакавіка ў 18:00.

Продаж вядзецца толькі праз сайт UEFA.com. Кожны падацель заяўкі павінен запоўніць падрабязную анкету онляйн. Для рэалізацыі сярод шырокай аўдыторыі паступіла 5100 білетаў. Калі попыт перавысіць прапанову, карэктна пададзеныя заяўкі на набыцьцё квіткоў будуць выбраны з дапамогай латарэі.

Гэтыя квіткі прызначаны для нэйтральных заўзятараў, якія хочуць наведаць фінал новага турніру, які зьяўляецца пераемнікам і нашчадкам традыцый Кубка УЭФА.

На квіткі могуць прэтэндаваць толькі тыя, чые заяўкі былі аформлены правільна і пададзены ў пазначаны тэрмін. Па адной заяўцы можна купіць не больш двух квіткоў. Падаючы заяўку ў УЭФА, яе аўтар тым самым згаджаецца з правіламі і ўмовамі. Для шырокай публікі білеты прадаюцца ў наступных цэнавых катэгорыях: Катэгорыя 1 – 150 эўра; Катэгорыя 2 – 115 эўра; Катэгорыя 3 – 85 эўра; Катэгорыя 4 – 55 эўра; Інваліды – 45 эўра.

Для жыхароў Эўропы, чые заяўкі былі задаволеныя, адміністрацыйная надбаўка складае 30 эўра (уключаючы паштовыя паслугі). Для жыхароў астатняга свету – 40 эўра. Плацёж ажыцэцяўляецца толькі крэдытнымі картамі (MasterCard і Visa).

Не пазэней 30 сакавік падаўцы будуць паведамлены аб тым, ці задаволены іх заяўкі. Квіткі будуць высылаецца кур’ерскай поштай з 19 красавіка.

Атрымаць больш падрабязную інфармацыю аб квітках можна па электроннай пошце uelfinal2010@hsv.de або па тэлефоне + 49 1805 – 258291.

Кандыдаты могуць праверыць статус сваіх заявак, зайшоўшы на UEFA.com пад сваім паролем.

Паводле uefa.com