Выканаўчы камітэт арганізацыі прыняў рашэньне, што футбалісты, якія гралі за адну каманду ў папярэдніх раўндах Лігі Чэмпіёнаў і Лігі Эўропы, змогуць выступаць за другой клюб на асноўнай стадыі спаборніцтваў. Прычым правіла будзе распаўсюджвацца на футбалістаў змяніўшых клюб і ў летняе трансфернае акно, і ў зімовае.

Гэтыя змены ў рэгламеньце ўступяць у сілу, пачынаючы з наступнага сэзону.

Паводле sportbox.ru.

На гэтым тыдні адбыліся першыя матчы 1/8 фіналу Лігі Эўропы УЭФА. У чатырох паядынках з васьмі пераможца не быў выяўлены, прычым адзін з іх адбыўся ў Казані, дзе «Рубін» дазволіў адыграцца «Вольфсбургу».

Матчы 1/8 фіналу Лігі Эўропы УЭФА працягнуцца ў наступны чацьвер, тады як «Гамбург» ужо ў першай сустрэчы праявіў на справе жаданьне дайсьці да фіналу, які будзе згуляны на яго родным стадыёне. Астатнія каманды таксама імкнуцца ў наступны раўнд, жараб’ёўка якога адбудзецца ў пятніцу 19 сакавіка. Адзначым, што ў чвэрцьфінале не выключаныя сустрэчы прадстаўнікоў адной краіны.

У першым паядынку «Гамбург» у сябе дома адолеў «Андэрлехт» – 3:1, яшчэ раз праявіўшы самыя сур’ёзныя амбіцыі. Бліжэй за ўсё да перамогі ў эўракубку нямецкі клюб быў у сэзоне 1981/82, калі стаў удзельнікам фіналу Кубка УЭФА. Тым часам «Лівэрпуль» і «Ювэнтус», якія таксама рыхтуюцца да адказных сустрэч, раней па тры разы перамагалі ў гэтым турніры. Аналягічным дасягненьнем можа пахваліцца яшчэ хіба толькі «Інтэрнацыянале», але мілянцы працягваюць барацьбу ў Лізе Чэмпіёнаў УЭФА.

«Ювэнтус», які перамагаў у Кубку УЭФА ў сэзонах 1976/77, 1989/90 і 1992/93, у першым матчы расправіўся ў Турыне над «Фулхэмам» – 3:1. Аднак у адказнай сустрэчы яму, напэўна, давядзецца няпроста: «Фулхэм» у Лізе Эўропы не прайграў ніваднаго хатняга матча.

«Лівэрпуль» дабіраўся да вяршыні ў 1973, 1976 і 2001 гадах. У сустрэчы ў адказ 1/8 фіналу бягучага розыгрышу мэрсысайдцам трэба вырашаць яшчэ больш складаную задачу. Атрымаўшы мінімальную паразу ад «Ліля», дружына Рафаэля Бэнітэса ў чацьвер будзе мець перавагу роднага поля, тады як на баку каманды Рудзі Гарсіі будзе гол, забіты на сваім полі, і стабільнасьць, якую французы дэманструюць у гэтым сэзоне. Барацьба працягваецца ва ўсіх парах. Цяжэй за ўсё будзе «Панацінаікасу», які ў сябе дома з лікам 1:3 прайграў «Стандарду».

Астатнія першыя сустрэчы 1/8 фіналу пераможцаў не выявілі. Застаўшыся ўдзевяцірох, «Спортынг» на выездзе ўтрымаў нулявую нічыю ў матчы з «Атлетыкай». У Лісабоне спадзяюцца, што страта дыскваліфікаваных гульцоў не ўдарыць па іх занадта балюча ў матчы ў адказ. Другая каманда з сталіцы Партугаліі – «Бэнфіка» – задаволілася нічыёй з «Алімпікам». Сустрэчы чэмпіёнаў Германіі і Расіі «Вольфсбурга» і «Рубіна» адпаведна, а таксама «Валэнсіі» і фіналіста апошняга розыгрышу Кубка УЭФА «Вэрдэра» завяршыліся з аналягічным лікам – 1:1.

Паводле uefa.com

«Гамбург» (GER) - «Андэрлехт» (BEL)
«Рубін» (RUS) – «Вольфсбург» (GER)
«Атлэтыка» (ESP) – «Спортынг» (POR)
«Бэнфіка» (POR) – «Алімпік» (FRA)
«Панацінаікас» (GRE) – «Стандард» (BEL)
«Ліль» (FRA) – «Лівэрпуль» (ENG)
«Ювэнтус» (ITA) – «Фулхэм» (ENG)
«Валэнсія» (ESP) – «Вэрдэр» (GER)

Шаснаццаць камандаў, якія ў суме заваявалі на эўрапэйскай арэне 27 трафэяў, ужо ў чацьвер правядуць першыя матчы 1/8 фіналу Лігі Эўропы УЭФА. Матчы гэтай стадыі турніру абяцаюць быць вельмі цікаўных.

Агульнымі намаганнямі ўдзельнікі 1/8 фіналу Лігі Эўропы выйгралі 27 эўракубкаў. Многія супэрнікі па другім коле плэй-оф раней ужо сустракаліся адзін з адным. Да прыкладу, «Гамбург» змагаўся з «Андэрлехтам» ў фінале Кубка кубков-1976/77, дзе атрымаў перамогу з лікам 2:0. Гамбуржцы прыкладуць максімум намаганьняў, каб адсвяткаваць посьпех і на гэты раз, бо фінал Лігі Эўропы адбудзецца 12 траўня как раз на іх хатняй арэне.

«Бэнфіка» ж сустракалася з «Алімпікам» ў паўфінале Кубка эўрапэйскіх чэмпіёнаў-1989/90. «Арлы», якія ўзялі тады верх, не супраць і на гэты раз закрыць шлях свайму апанэнту. Аднак у цяперашняга трэнера «Алімпіка» Дыдзье Дэшама, які ўдзельнічаў у дзьвюх папярэдніх сустрэчах марсэльцаў з партугальскім клюбам, некалькі іншае меркаваньне на гэты конт. Лёгкая перамога над «Капэнгагэнам» ў 1/16 фіналу відавочна павінна была прыбавіць упэўненасьці французам.

У 1/16 фіналу льежскі «Стандард» з вялікай цяжкасьцю выбіў з барацьбы «Зальцбург», які на групавым этапе не страціў ні воднага ачка. Цяпер чэмпіёну Бэльгіі трэба вытрымаць яшчэ больш складанае выпрабаваньне, бо супрацьстаяць яму будзе адсвяткаваўшы тры перамогі ў Лізе Эўропы запар «Панацінайкас». Нялёгка давядзецца і «Фулхэму», які прайграў у 1/16 фіналу трыумфатаруа апошняга розыгрышу Кубка УЭФА «Шахцёру». Падапечныя Роя Ходжсана скрыжуюць шпагі з двухразовым уладальнікам Кубка эўрапейскіх чэмпіёнаў «Ювэнтусам».

Пяціразовы уладальнік прэстыжнага клубнага трафэя Эўропы «Лівэрпуль» пазмагаецца з «Лілем», адным з чатырох удзельнікаў 1/8 фіналу, які ні разу не прымаў удзел у вырашальных матчах эўракубкаў. У другой пары будуць змагацца «Рубін» і «Вольфсбург». Абедзьве каманды прабіліся ў Лігу Эўропы з Лігі Чэмпіёнаў УЭФА, на групавым этапе якой фінішавалі трэцімі. А вось мадрыдскіая «Атлетыка» высьветліць адносіны з іісабонскім «Спортынгам». Гэта супрацьстаяньне будзе асаблівым для хаўбэка «матраснікаў» Сіма, які пачынаў кар’еру як раз у шэрагах «ільвоў».

Іншы прадстаўнік Гішпаніі, «Валэнсія» скрыжуе шпагі з самай выніковай камандай турніру – «Вэрдэрам». Гэтыя клубы сустракаліся ў плэй-оф Лігі Чэмпіёнаў-2004/05, і тады брэмэнцы адсвяткавалі перамогу на «Мэсталье» з лікам 2:0. Адказныя матчы пройдуць 18 сакавіка. Жараб’ёўка завяршальных стадый Лігі Эўропы пройдзе ў Ньёне 19 сакавіка і пачнецца ў 13:00 па Цэнтральнаэўрапэйскім часе.

Паводле uefa.com

На пасяджэньні Міжнароднага савета футбольных асацыяцый (IFAB) 17 і 18 траўня будзе прынята канчатковае рашэньне адносна экспэрымэнту з двума дадатковымі судзьдзямі (на кожным матчы бягучай Лігі Еўропы працуе брыгада з шасці арбітраў).

IFAB, у які ўваходзяць Футбольная асацыяцыя Англіі, Футбольная асацыяцыя Шатляндыі, Футбольная асацыяцыя Валіі, Футбольная асацыяцыя Ірляндыі і ФІФА, быў заснаваны ў 1886 годзе. У суботу на 124-м штогадовым пасяджэньні IFAB у Цюрыху было вырашана дачакацца заканчэньня Лігі Эўропы УЭФА, пасля чаго будзе праведзена пазачарговае пасяджэньне і прынята канчатковае рашэньне.

«Прысутным былі прадстаўлены матэрыялы аб экспэрымэнце з двума дадатковымі рэфэры ў Лізе Эўропы УЭФА-2009/10 на аснове ўжо сыграных 144 матчаў, – гаворыцца ў заяве ФІФА па заканчэньні пасяджэньня IFAB. – Было вырашана, што па заканчэньні турніру 17-18 траўня будзе праведзена пазачарговае пасяджэньне, на якім мы абмяркуем гэты экспэрымэнт».

У рамках праэкту, ухваленага ФІФА і IFAB, на матчах Лігі Эўропы галоўнаму арбітру, лінейным рэфэры і чацвёртаму судзьдзі дапамагаюць два дадатковых асістэнты. Яны размяшчаюцца за па-за лініямі і надаюць асаблівую ўвагу здарэньням ў штрафных плошчах.

Паводле uefa.com

Статыстыка наведвальнасьці першых матчаў 1/16 фіналу Лігі Эўропы УЭФА кажа аб росьце глядацкай цікавасьці ў параўнаньні з той жа стадыяй апошняга розыгрышу Кубка УЭФА.
Мяркуючы па зацікаўленасьці балельшчыкаў да матчаў Лігі Эўропы УЭФА, новы турнір ужо пасьпеў стаць папулярным. Наведвальнасьць гульняў значна вырасла ў параўнаньні з аналагічнай стадыяй мінулага розыгрышу Кубка УЭФА.

На першых матчах плэй-оф Лігі Эўропы наведвальнасьць узрасла ў сярэднім на пяць тысяч чалавек. Калі першыя паядынкі 1/16 фіналу Кубка УЭФА ў сярэднім прыходзіла глядзець па 21512 чалавек, то зараз гэты паказчык склаў 26953 гледача.

У першых матчах гэтай жа стадыі сезона 2008/09 рэкорд быў устаноўлены на гульні «Астан Вілы» з маскоўскім ЦСКА – 38038 наведвальнікаў. А ў бягучай кампаніі адразу на трох стадыёнах 1/16 фіналу Лігі Эўропы пабывала больш за 40 тысяч аматараў футбола.

Найбольшую цікавасьць выклікала сустрэча «Панацінаікас» – «Рома». За перамогай сваіх любімцаў ў Афінах назіралі 54247 балельшчыкаў. На матчы «Аякс» – «Ювэнтус» прысутнічалі 51676 чалавек, а на сустрэчы «Лівэрпуля» і «Уніры» – 40450. За хатнімі паядынкамі «атлетыка» і «Гамбурга» з трыбун назіралі больш за 30 тысяч гледачоў.

Аб росьце цікавасьці сведчаць і іншыя дадзеныя. Так, павялічылася адносная запаўняльнасьць 16 стадыёнаў, дзе прайшлі першыя матчы 1/16 фіналу. У Кубку УЭФА яны былі запоўненыя на 66,8%, а зараз – на 68,8%. Павышэньне наведвальнасьці кажа пра цікавасьць гледачоў і выдатнай працы арганізатараў.

На фінішную прамую выйшлі 32 каманды. У іх ліку сем уладальнікаў Кубка эўрапэйскіх чэмпіёнаў: «Аякс», «Ювэнтус», «Лівэрпуль», «Алімпік», «Гамбург», ПСВ і «Бэнфіка». Баталіі працягнуцца на наступным тыдні, а матчы ў адказ 1/16 фіналу пройдуць у такіх футбольных гарадах, як Стамбул, Лісабон і Рым. Мэта для кожнай з камандаў – патрапіць у фінал, які адбудзецца 12 траўня на стадыёне «Арэна Гамбург».

Трыўмфатарам апошняга розыгрышу Кубка УЭФА, чыя гісторыя бярэ старт у сезоне 1971/72, стаў данецкі «Шахцёр». Ліга Эўропы атрымала ў спадчыну багатыя традыцыі. Калі судзіць па рэакцыі балельшчыкаў, гэты набытак будзе не толькі захаваны, але і прымножаны.

Паводле uefa.com

Рубін – Хапаэль Т-А
3 – 0

Аякс – Ювэнтус
1 – 2

Твэнтэ – Вэрдэр
1 – 0

Ліль – Фэнэрбахчэ
2 – 1

Бругэ – Валенсія
1 – 0

Вільярэял – Вольсбург
2 – 2

Стандард – Зальцбург
3 – 2

Фулхэм – Шахцёр
2 – 1

Лівэрпуль – Унірыя Урзічэнь
1 – 0

Гамбург – ПСВ
1 – 0

Атлетыка – Галатасарай
1 – 1

Герта – Бэнфіка
1 – 1

Атлетык – Андэрлехт
1 – 1

Капэнгагэн – Алімпік
1 – 3

Панатынайкас – Рома
3 – 2

Паводле uefa.com

Вядучыя эўрапейскія рэфэры, а таксама новыя судзьдзі міжнароднай катэгорыі завяршылі падрыхтоўку да важных матчаў вясны і лета 2010 года на зімовых курсах УЭФА на Мальце.

У агульнай складанасці 103 арбітара прынялі ўдзел у 18-і паглыбленых курсах УЭФА для рэфэры элітнай і прэм’ер-катэгорыі, а таксама ў 19-і ўводных курсах для міжнародных судзьдзяў. Арганізаваныя Судзейскім камітэтам курсы сталі адным з шэрагу мерапрыемстваў, прымеркаваных да юбілею футбола на Мальце. Нядаўняе пасяджэньне Выканаўчага камітэта УЭФА супала з сьвяткаваньнем стагодзьдзя футбольных турніраў на востраве, тады як Футбольная асацыяцыя Мальты (ФАМ) адзначыла 50-годзьдзе паўнапраўнага членства ў УЭФА і ФІФА.

На ўступных курсах новыя судзьдзі катэгорыі ФІФА атрымалі вычарпальнае і ўсебаковае настаўленьне па абслугоўваньні матчаў у Эўропе. Арбітары здалі поўны тэст ФІФА на фізічную гатоўнасьць і выканалі шэраг іншых нарматываў пад кіраўніцтвам экспэрта УЭФА па фізічнай падрыхтоўцы судзьдзяў Вэрнэра Хелсэна і яго асістэнтаў. Акрамя таго, рэфэры прайшлі праверку на веданьне ангельскай мовы, якая зьяўляецца асноўнай мовай зносін арбітараў.

У тэарэтычнай частцы ўводных курсаў члены Судзейскага камітэта разам з інструктарамі далі каштоўныя парады па выбары пазіцыі на полі і прыняцьцю рашэньняў на прыкладзе відэакадраў з нядаўніх матчаў пад эгідай УЭФА. Нараўне з гэтым судзьдзі прынялі ўдзел у практычных занятках. Пад пільным наглядам інструктараў ФІФА і УЭФА Валянціна Іванова і Стыва Бэнэта новыя арбітары практыкаваліся ў прыняцьці рашэньняў на полі, выбары правільнай пазіцыі і паводзінах у выпадку сімуляцыі.

Удзельнікамі паглыбленых курсаў сталі арбітары, якія абслугоўваюць матчы самага высокага ўзроўню як у Эўропе, так і ва ўсім сьвеце. Многія з іх будуць працаваць у фінальнай стадыі Чэмпіянату Сьвету ў Паўднёва-Афрыканскай Рэспубліцы. Арбітарам падрабязна распавялі аб экспэрымэньце з прыцягненьнем дадатковых рэфэры. Гэтую задачу на сябе ўзялі прадстаўнік Міжнароднага савета футбольных асацыяцый (IFAB) Дональд Маквікер і прадстаўнік ФІФА Фернанда Трэсако.

У рамках праэкту, ухваленага ФІФА і IFAB, галоўнаму і лінейным судзьдзям будуць дапамагаць два дадатковых асістэнта. Яны будуць размяшчацца за асабовымі лініямі і надаваць асаблівую ўвагу здарэньням у штрафной, такім як парушэньні або неспартыўныя паводзіны. Да гэтага часу экспэрымент меў толькі станоўчыя водгукі. Новаўвядзеньне ўжывалася на матчах групавога этапу Лігі Эўропы УЭФА, кадры з якіх былі прадэманстраваны арбітарам. Частка судзьдзяў сутыкнецца з экспэрымэнтам падчас вясновай стадыі Лігі Эўропы.

Абарона гульцоў ад залішне грубых парушэньняў з боку супэрнікаў, а таксама жорсткія пакараньні за сімуляцыю і затрымку застануцца аднымі з прыярытэтаў рэфэры УЭФА ў другой палове эўрапейскага сэзона. Вялікая ўвага ў рабоце рэфэры будзе таксама надавацца ўменьню кіраваць сітуацыямі, у якіх футбалісты выказваюць празмернае абурэньне або ўдзельнічаюць у канфрантацыі.

Паводле uefa.com

З усіх паядынкаў 1/16 фіналу Лігі Эўропы УЭФА найбольшую цікавасьць відавочна выклікае сустрэча двух былых уладальнікаў Кубка эўрапейскіх чэмпіёнаў. Аднак зьвяртае на сябе ўвагу і «Зальцбург», які выйграў усе шэсьць матчаў групавога этапу.

Гранды эўрапэйскага футбола «Аякс» і «Ювэнтус» двойчы высьвятлялі адносіны ў фінале Кубка Чэмпіёнаў, адсвяткаваўшы кожны па адной перамозе. У сэзоне 1972/73 галяндцы ўзялі верх з мінімальным лікам, тады як у кампаніі 1995/96 турынцы дабіліся посьпеху ў сэрыі пэнальці – 4:2.

У агульным ліку ўсе ўдзельнікі 1/16 фіналу Лігі Эўропы заваявалі 16 эўракубкаў, прычым шэсьць з іх на рахунку «Аякса» і «Ювэнтуса». «Лівэрпуль», які ў апошні раз выступаў у другім па значнасьці эўракубке ў сэзоне 2003/04, перамагаў у турнірах пад эгідай УЭФА пяць разоў. У лютым падапечныя Рафаэля Бэнітэса памераюцца сіламі з іншым няўдачнікам групавога этапу Лігі Чэмпіёнаў УЭФА «Унірыяй».

Першыя матчы амстэрдамцы і мерсісайдцы правядуць дома. У родных сьценах пачне барацьбу са «Спортынгам» «Эвэртон», які на групавым этапе Лігі Эўропы саступіў супэрніку лісабонцаў па чэмпіянату Партугаліі «Бэнфіка» з лікам 0:5.

Дзеючаму ўладальніку трафея данецкаму «Шахцёру», напэўна, давядзецца няпроста ў гасьцявым матчы з «Фулхэмам». Лёнданцы на сваёй арэне не пацярпелі яшчэ ні аднаго паражэньня ў эўрокубках з моманту дэбюту ў 2002 годзе.

«Зальцбург», які дамогся посьпеху ва ўсіх матчах групавога этапу, скрыжуе шпагі са «Стандард», тады як іншы бельгійскі прадстаўнік, «Андэрлехт», пазмагаецца з «Атлетыка».

«Гамбург» паспрабуе выбіць з барацьбы ПСВ і яшчэ на крок наблізіць сябе да фіналу, які пройдзе на хатняй арэне нямецкага клюба.

Фіналіст апошняга розыгрышу Кубка УЕФА «Вэрдэр» пуцёўку ў 1/8 фіналу аспрэчыць ў супрацьстаянні з «Твэнтэ».

Новая каманда Алехандра Дамінгэса «Валенсія» згуляе з «Бругэ», «Атлетыка» будзе змагацца з «Галатасараям», а «Панацінайкас» кіне выклік «Рамэа».

Фота Getty Images
Паводле uefa.com

«Фэнэрбахчэ», які лідзіруе зараз у чэмпіянаце Турцыі, набыў у «Трабзанспора» 27-гадовага форварда нацыянальнай каманды Гэкхана Юнала, які толькі паўтары годы таму перабраўся ў клюб з чарнаморскага ўзбярэжжа. Акрамя таго, у рамках зьдзелкі ў зваротным напрамку прайшоў Бурак Йылмаз.

У «Фэнэрбахчэ», з якім Юнал заключыў кантракт на тры з паловай гады, ён поўны рашучасьці здабыць другое дыханьне. У гэтым сэзоне нападаючы страціў месца ў зборнай Турцыі, забіўшы толькі два мячы ў 13 матчах чэмпіянату краіны.

«Я абяцаю балельшчыкам, што яны ўбачаць зусім іншага Гэкхана, – заявіў голеадор. – «Фэнэрбахчэ» хацеў купіць мяне яшчэ ўлетку 2008 года, але лепш было прыехаць сюды ў сталым узросце, калі я па-сапраўднаму набраўся вопыту».

Паўтары годы таму форвард сапраўды мог апынуцца ў «Фэнэрбахчэ», але вырашыў перайсці з «Кайсэрыспора» ў «Трабзанспор». Апошні спадзяецца пакрыць страту Юнала 24-гадовым Буракам Йылмазам, які да канца сэзона працягне абараняць колеры «Эскішэхірспора» на правах арэнды.

Фота Getty Images
Паводле uefa.com

Брамнік «Шахцёра» Андрэй Пятаў падзяліўся ўспамінамі аб паражэньні ў супрацьстаяньні з «Цімішаарай» ў кваліфікацыі Лігі Чэмпіёнаў, а таксама аб прычынах посьпеху данецкага клюба на групавым этапе Лігі Эўропы.

«Мы былі абавязаны абыграць румынаў, але, маючы перавагу дома, абмежаваліся двума галамі, а супэрнікам хапіла пары контратак для нічыёй. Нешанцаваньне, з якім у футболе сутыкаюцца на кожным кроку, адыграла фатальную ролю.

Розніца ва ўзроўні групавых турніраў Лігі Чэмпіёнаў і Лігі Эўропы вельмі адчувальная. У Лізе Чэмпіёнаў наўрад ці атрымалася б забіваць па чатыры мячы за гульню нават пры самым спрыяльным складзе групы.

Крыўда ад паразы ў супрацьстаяньні з «Цімішаарай» адыграла ролю, калі ў першым крузе «Бругэ», «Тулуза» і «Партызан» атрымалі ад нас тузін мячоў на траіх. Але на першым месцы стаялі рацыянальныя меркаваньні аб бліцкрыге на старце турніру. Пажадана было вырашыць задачу выхаду ў плэй-оф на добрых палях, якія даюць перавагу «Шахцёру», у першую чаргу бразыльцам, за кошт тэхнічнай вывучкі. Да пачатку ж зімы перавага нівэлюецца з-за холаду і якасьці траўнікаў. Гэта наглядна пацьвердзіў матч з «Партызанам» ў Бялградзе, які, да шчасьця, нічога не вырашаў.

Той факт, што на «Данбас-Арэне» «Шахцёр» яшчэ не прайграў ніводнага разу, расцэньваю як надзвычай важны момант. Калі 50 тысяч балельшчыкаў 90 хвілін гоняць каманду наперад, узнікаюць дзіўныя адчуваньні, якія раней перажываць не даводзілася. А супэрнікі, наадварот, часам адкрыта губляліся, трапляючы ў гэты бурлівы кацёл », – сказаў Пятаў у інтэрвію «Спорт-Экспрэс».

Фота shakhtar.com
Паводле Sports.ru