Ліга Эўропы

Нападаючы «Сіены» Мікэле Паалучы да канца сэзона будзе выступаць на правах арэнды за «Ювэнтус». Менавіта ў турынскім клюбе 23-гадовы форвард пачынаў сваю прафэсійную кар’еру.

Выхаванец «Ювэ» так і не прабіўся ў першую каманду, пакінуўшы клюб яшчэ ў 2006 годзе. Затым Паалучы на правах арэнды выступаў за «Аскалі», «Удынэзэ», «Аталанту» і «Катанію».

Летам мінулага года «Ювэнтус» і «Сіена» падзялілі правы на гульца, пасля чаго ён забіў за тасканскі клюб два мячы ў дзесяці паядынках бягучай сэрыі А. У дадзены момант настаўнік «Ювэ» Чыра Фэрара не можа разьлічваць на траўмаваных нападнікаў Вічэнца Яквінта і Давіда Трэзэге, тады як Амаўры адбывае дыскваліфікацыю. Гэта значыць, што Паалучы можа быць выйдзе на поле ўжо ў нядзельным матчы з «К’ева».

«Ён вельмі рады вяртаньню, – сказаў Ферара. – Ён занадта матываваны, асабліва таму, што першыя футбольныя крокі зрабіў менавіта ў «Ювэнтусе». Думаю, ён нам дапаможа». У 1/16 фіналу Лігі Эўропы УЭФА «Ювэнтус» згуляе з «Аяксам». Першы матч адбудзецца ў Амстэрдаме 18 лютага.

Фота catania46
Паводле uefa.com

Comments are closed.