Ліга Эўропы

Капітан льежскага «Стандарда» Стывэн Дэфур не згуляе ў адказным паядынку 1/16 фіналу Лігі Эўропы УЭФА з «Панацінаікас» з-за разрыву ягадзічнай мышцы і можа правесьці ў лазарэце да шасьці тыдняў.

Непрыемнасьць падпільнавала 21-гадовага хаўбэка ў чацьвер падчас першага матча з «Панацінаікас» (3:1). Дэфур пакінуў поле ўжо на 22-й хвіліне.

«Гэта адбылося, калі я ірвануў наперад у эпізодзе з голам Мілана Йованавіча, – сказаў бельгіец. – Я адчуў боль, але працягнуў рух і зрабіў пас, паколькі Йованавіч адрываўся ад абаронцы».

Дэфур прапусьціць паядынак у адказ ў Афінах ў наступную сераду. Як чакаецца, ён прабудзе ў лазарэце па меншай меры месяц. Былы футбаліст «Генка» толькі ў студзені акрыяў ад пералому ступакі, з-за якога не гуляў з 12 верасня. «Які кашмарны сэзон», – паскардзіўся ён.

Паводле uefa.com